Tuloy pa rin pala ang pagka-‘untouchable’ nitong Infinity 8 KTV and Restaurant sa Roxas Boulevard na pag-aari ni Rose Cuneta at ng isang tinaguriang MR-45 -- isang Malaysian-Chinese financier dahil tuloy-tuloy pa rin ang malalaswang panoorin at ‘prostitution activity’ at paglabag sa ’human trafficking law’ sa loob nito.
At ito ay matapos ngang kausapin ng mga nagpapatakbo ng Infinity 8 na sina Ruben at Ernie ang isang Nonoy ng Department of Interior and Local Government (DILG) at umano’y henchman ni DILG Sec. Jesse Robredo; isang Jigs at Allan ng National Capital Region Police Office (NCRPO) at isang Col. R. Velasco ng Southern Police District (SPD). Gayundin sina Ronel ng PNP- CIDG, isang Kenneth Miranda ng Pasay Police, isang Atty. Reyes ng DOJ-NBI.
Pero ang pinakamatinding nagbigay ng ‘go-signal’ kaya naging ‘untouchable’ ang nasabing clubkung kaya’t bukod tangi itong nakakapagpalabas ng ‘bold shows’ sa kahabaan ng Roxas Boulevard ay nang bigyang basbas ng mga tiwaling tauhan ni Col. Emma Libunao, hepe ng WACCO, ang nasabing establisimiyento.
Ang Infinity8 KTV ay mayroon na rin umanong ‘drug sniffing activities’ tulad ng pag-sniff ngKetamine ng mga hubad na babae sa harap ng mga customers na kinabibilangan ng mga Chinese, Korean at Japanese nationals.
At ayon sa aking mga espiya, may ‘gunrunning activity’ na rin umano sa loob ng club na kung saan malayang nakakabili ng iba’t-ibang uri ng sandatang pumuputok na may iba’t-ibang kalibre ang mga ‘underworld characters’.
Dati-rati noong panahon ni Gen. Tanigue ng WACCO ay walang humpay ang pagpapasalakay at pagpapasara nito ng mga KTV bar at club sa buong kapuluan na mahuhulihan niya ng mga menor-de-edad at may mga malalaswang panoorin.
Pero ngayon pawang kabaligtaran lahat ng nangyayari na sa halip na mag-surveillance at manghuli ang mga tauhan ni Col. Libunao sa mga lumalabag sa ‘anti-human trafficking law’ ay nakikipagkasundo na ang mga ito sa mga club owner na may prostitution activities para tumanggap ng ‘tong-pats’ o lagay.
Source:http://www.journal.com.ph/index.php/opinion/26322-infinity-8-ktv-untouchable-pa-rin
